បន្ទាយមានជ័យ៖ កុមារត្រូវទទួលបានសិទ្ធការពារយ៉ាងយកចិត្តទុកពីគ្រប់ភាគីពាក់ព័ន្ធដោយត្រូវផ្តោតសំខាន់ឲ្យការចូលរួមសកម្មភាពផ្សេងៗក្នុងសង្គម។ ពិសេសកុមារត្រូវទទួលបានសិទ្ធការពារទាំង៤ត្រូវលុបបំបាត់នូវសកម្មជិះជាន់លើកម្លាំងពលរកម្មកុមារ អំពើហិង្សា ការរំលោភបំពាន និងការកេងប្រវ័ញគ្រប់ទំរង់ផ្សេងៗ។

នេះជាប្រសាសន៍លោកឡើងរបស់លោកស្រី រស់ សុផានី អភិបាលរងខេត្តបន្ទាយមានជ័យ នៅក្នុងវគ្គ សិក្ខាសាលាផ្សព្វផ្សាយ ស្តីពីកិច្ចការពារកុមារ ដែលរៀបចំឡើដោយ គណៈកម្មាធិការពិគ្រោះយោបល់កិច្ចការស្រ្តី និងកុមារខេត្ត សហការ និងគាំទ្រដោយរដ្ឋបាលខេត្តបន្ទាយមានជ័យ មន្ទីរសង្គមកិច្ចអតីតយុទ្ធជន និងយុវនីតិសម្បទាខេត្ត អង្គការ unicef ធ្វើឡើងនៅសាលប្រជុំធំ សាលាខេត្តបន្ទាយមានជ័យ នៅថ្ងៃទី៨ ខែកញ្ញា ឆ្នាំ២០២១។

លោកស្រីអភិបាលរងខេត្តបន្តថាតាមរយៈនេះរាជរដ្ឋាភិបាលកម្ពុជា ដែលមានសម្តេចតេជោនាយករដ្ឋមន្ត្រីបានធ្វើឲ្យប្រទេសមានសុខសន្តិភាពពេញលេញ និងធ្វើឲ្យស្ថានភាពសង្គមមានលក្ខណៈល្អប្រសើរ កុមារត្រូវបានការពារ និងគោរពសិទ្ធទាំងបួន របស់ពួកគេ ស្ត្រីជនងាយរងគ្រោះ និងគ្រួសារក្រីក្រ ត្រូវបានរាជរដ្ឋាភិបាលយកចិត្តទុកដាក់ ថែទាំ ការពារ ពិសេសពីថ្នាក់ដឹកនាំខេត្ត-ក្រុង-ស្រុក-ឃុំ-សង្កាត់ ដោយមានការសហការយ៉ាងជិតស្និទ្ធជាមួយអង្គការដៃគូរ អភិវឌ្ឍន៍នានា។

លោកស្រី រស់ សុផានី បន្តថាដើម្បីជួយស្រ្តីនិងកុមារ និងជនងាយរងគ្រោះពីអំពើហិង្សា ការរំលោភបំពាន និងការកេងប្រវ័ញគ្រប់ទំរង់ដោយរៀបចំដោយមានអ្នកទទួលខុសត្រូវនាំមុខ និងទទួលខុសត្រូវជាប្រព័ន្ធគឺ ការបង្ការទប់ស្កាត់, ប្រព័ន្ធអន្តរាគមន៍, ប្រព័ន្ធឆ្លើយតបនិងផ្តល់សេវា។

លោកស្រីបញ្ជាក់ថាកិច្ចការពារកុមារ គឺជាសកម្មភាព និងវិធានការដើម្បីបង្ការទប់ស្កាត់ និងឆ្លើយតប ទៅនឹងអំពើហិង្សាគ្រប់ទម្រង់ (ផ្លូវចិត្ត ផ្លូវកាយ ផ្លូវភេទ និងការមិនអើពើ) ការបំបែកកុមារចេញពីគ្រួសារ ដោយភាពមិនចាំបាច់ អាពាហ៍ពិពាហ៍វ័យកុមារ ការមានផ្ទៃពោះវ័យជំទង់ កុមារទំនាស់នឹងច្បាប់ និងការកេងប្រវ័ញ្ចគ្រប់រូបភាព រួមទាំងការកេងប្រវ័ញ្ចផ្លូវភេទកុមារតាមប្រព័ន្ធអនឡាញ សំដៅលើកកម្ពស់សិទ្ធិ និងឧត្តមប្រយោជន៍ របស់កុមារ៕